O pasado 22 de outubro, o alumnado de 1º e 2º do Ciclo Superior en Administración de Sistemas Informáticos en Rede (ASIR) e de 2º do Ciclo Medio en Sistemas Microinformáticos e Redes (SMR) participou no Espazo CIBERGalicia 2025, un congreso sobre ciberseguridade celebrado en Santiago de Compostela.
O evento, organizado pola Cátedra de Economía da Ciberseguridade da Universidade de Santiago de Compostela (USC) e o Instituto Nacional de Ciberseguridade (INCIBE), centrouse no emprendemento, a innovación e o contacto directo con profesionais e empresas do sector.
O programa do congreso estivo deseñado para conectar talento, proxectos e oportunidades entre empresas, institucións e universidade. Esta actividade resultou de especial interese para o noso alumnado dos ciclos de Informática, tanto pola posibilidade de coñecer a ciberseguridade como unha vía de especialización profesional, como polo acceso directo a empresas galegas punteiras neste ámbito tecnolóxico.
