O mércores 14 de xaneiro, o alumnado de 1º de FP Básica participou na primeira fase do programa Talentop, desenvolvida na Aula 11. A actividade estivo organizada polo Departamento de Orientación e inclúese nos programas Eduemprende.
O programa Talentop, aceleradora de talento, está dirixido á FP de Grao Básico e estrutúrase en dúas fases. Nesta primeira sesión traballáronse tres competencias mixtas esenciais para o progreso persoal e profesional do alumnado: o pensamento estratéxico, a busca de solucións creativas e a comunicación.
Ao remate da sesión presentouse ao alumnado un reto común a todos os centros educativos participantes, que require da aplicación práctica dos coñecementos adquiridos. Este reto dá inicio á segunda fase do programa, de carácter voluntario, centrada na elaboración de solucións. Nesta fase seleccionaranse tres alumnos ou alumnas para a presentación das propostas na primeira quincena de maio.
