Entre o 19 e o 26 de febreiro de 2026, o IES Lois Peña Novo conta coa exposición “Exxperimenta en feminino”, promovida pola Universidade de Vigo.
A mostra ofrece materiais e recursos para visibilizar o papel das mulleres no ámbito científico e tecnolóxico, facilitando o traballo co alumnado arredor do Día Internacional da Muller e a Nena na Ciencia, así como a preparación de actividades vinculadas ao 8 de marzo.
Durante esa semana, os distintos grupos poderán achegarse á exposición e empregala como recurso didáctico para reflexionar sobre a presenza feminina na ciencia, a igualdade de oportunidades e a importancia de referentes diversos nos ámbitos STEM.
