O 20 de maio de 2026, alumnado de 1º de FP Básica, 1º do Ciclo Medio de Sistemas Microinformáticos e Redes (SMR) e 1º do Ciclo Superior en Administración e Finanzas, realizou unha saída a Culleredo e A Coruña, organizada polo Departamento de Orientación dentro do programa EduTecEmprende.
A primeira parte da actividade desenvolveuse en CETIM, Centro Tecnolóxico de Investigación Multisectorial, onde o alumnado puido achegarse á realidade empresarial e tecnolóxica do sector, coñecendo contornos vinculados á innovación, á investigación aplicada e ao desenvolvemento tecnolóxico.
A saída completouse cunha visita á rede museística da Coruña, favorecendo o acceso do alumnado a espazos culturais de interese e ampliando a experiencia formativa máis alá do ámbito estritamente técnico.
