BACHARELATO SEMIPRESENCIAL, PROCESO DE MATRÍCULA
PRAZOS
Os prazos para realizar a matrícula de Bacharelato semipresencial son os seguintes:
- Solicitude de matrícula ordinaria: 2 ao 21 de setembro
- Solicitude de matrícula simultánea para alumnado de FP: 8 ao 11 setembro
DOCUMENTACIÓN
Será preciso presentar a seguinte documentación na secretaría do IES Lois Peña Novo:
Todo o alumnado
- Sobre de matrícula e documentación anexa (dispoñible en conserxería)
- Certificación académica de Bacharelato (en caso de telo cursado previamente)
Alumnado sen matrícula en FP
- Certificación académica de Graduado en Educación Secundaria ou equivalente
- 2 fotografías carné
- Documento oficial de identidade (DNI, NIE ou Pasaporte)
- Pago da taxa do seguro escolar para menores de 28 anos (1,12€)
En caso de alumnado menor de idade deberase achegar ademais:
- DOI dos responsables.
- Libro de familia ou certificado de nacemento.
- Sentenza ou convenio regulador (no caso de garda ou custodia non compartida).
- Sobre de matrícula, en caso de separación ou divorcio (3 posibilidades)
- De existir sentenza de separación con patria potestade compartida, a documentación deberá ser asinada por ambos responsables.
- En caso de que unha das partes autorice á outra a asinar no seu nome o sobre de matrícula, deberase acreditar tal autorización achegando un documento de autorización onde conste o motivo da autorización (nome e DOI do menor e ensinanza na que se matricula, os nomes, DNI e sinaturas de ambos responsables coa data correspondente, xunto coa copia do DNI da persoa que autoriza).
- En caso de imposibilidade de contactar con algunha das persoas responsables do menor, poderase solicitar no xulgado un Expediente de xurisdición voluntaria e achegalo á matrícula.
