O 24 de abril de 2026, o alumnado de 1º do Ciclo Medio de Instalacións Eléctricas e Automáticas (IEA) participou na biblioteca do centro no proxecto Eduindustria, integrado na programación Eduemprende.
A actividade foi desenvolvida pola Área de Emprendemento e Emprego da Cámara de Comercio da Coruña e forma parte dun programa concedido exclusivamente a 15 centros educativos de Galicia.
Durante a sesión, o alumnado participou na dinámica «Emprende e aprende», unha actividade interactiva e gamificada na que, organizados en equipos, tiveron que resolver diferentes retos e casos prácticos relacionados coa planificación empresarial.
A proposta permitiu traballar aspectos como a creatividade, a toma de decisións e o traballo en equipo, ao tempo que o alumnado se achegou a conceptos básicos de emprendemento a través dunha metodoloxía práctica e participativa.
