O día 7 de febreiro de 2025, alumnado de diversos niveis do noso centro tivo a oportunidade de visitar InnovArt 2025, a feira de innovación en ensinanzas profesionais e superiores de réxime especial, celebrada na Cidade da Cultura de Santiago de Compostela.
A actividade contou coa participación de estudantes de:
📌 2º CS Administración de Sistemas Informáticos en Rede (ASIR)
📌 2º CS Administración e Finanzas (AF)
📌 2º CS Asistencia á Dirección (AD)
📌 1º CM Atención a Persoas en Situación de Dependencia (APSD)
📌 ESA, Módulo III
InnovArt 2025 presentouse como un escaparate da calidade e diversidade das ensinanzas de réxime especial en Galicia, ofrecendo ao noso alumnado a oportunidade de coñecer en primeira persoa as posibilidades formativas nas áreas de artes, danza, música, idiomas e deportes.
Ao longo da visita, puideron asistir a exposicións, exhibicións, concertos e actuacións en directo, nun evento que destacou pola súa aposta pola innovación e o talento no ámbito educativo.
A participación nesta iniciativa permitiu ao noso alumnado ampliar os seus coñecementos sobre as diferentes opcións formativas dispoñibles e descubrir novas oportunidades de especialización.
