Entre os días 24 e 31 de xaneiro e os 7, 14 e 21 de febreiro, o alumnado de 1º FPB Mantemento de Vehículos e 1º FPB Informática de Oficina participou nun obradoiro de competencias emocionais organizado polo Servizo de Prevención de Condutas Aditivas do Concello de Vilalba.
O obxectivo deste obradoiro foi promover a adquisición de conciencia emocional entre o alumnado, así como fomentar relacións saudables nas redes sociais, proporcionando ferramentas útiles para unha comunicación máis respectuosa e efectiva no ámbito dixital. A actividade resultou moi enriquecedora, contribuíndo ao desenvolvemento persoal e social dos nosos estudantes.
