O pasado 11 de abril, profesorado do noso Departamento de Transporte e Mantemento de Vehículos (TMV) participou nas IV Xornadas de FP de Automoción, organizadas polo CIFP A Xunqueira en Pontevedra.
Durante a xornada, o noso equipo tivo a oportunidade de explicar e expoñer a maqueta didáctica de pila de combustible de hidróxeno, desenvolvida no centro, a outros docentes e alumnado participante. A actividade permitiu intercambiar experiencias arredor das novas tecnoloxías aplicadas ao sector da automoción.
O CIFP A Xunqueira imparte o ciclo de especialización en vehículos híbridos e eléctricos.
