O 17 de decembro de 2025, o alumnado de CS Administración e Finanzas realizou unha saída formativa pola cidade da Coruña que incluíu a visita ao centro municipal de empresas do Papagaio e a o da Grela, así como ao Museo MEGA – Mundo Estrella Galicia.
No espazo de coworking e viveiro de empresas do Concello da Coruña, o alumnado coñeceu o modelo de traballo colaborativo que permite compartir espazo entre empresas de nova creación e facilita a transferencia de coñecemento e tecnoloxía.
A continuación, o grupo realizou unha visita guiada ao Museo MEGA, onde puido coñecer o proceso de elaboración, envasado e distribución dos produtos da compañía.
