Na xornada do xoves 22 de xaneiro de 2026, o alumnado de 1º e 2º do Ciclo Medio de Electromecánica de Vehículos Automóbiles (EVA) participou na biblioteca do centro nun obradoiro titulado «Actúa: xestión e resolución de conflitos».
A actividade, organizada polo Departamento de Orientación, forma parte do programa Actúa, incluído nas iniciativas Eduemprende 25/26.
Durante a sesión abordáronse, mediante dinámicas grupais e xogos de rol, distintos tipos e causas de conflitos, as súas fases e estratexias para afrontalos de maneira construtiva, traballando a súa transformación en oportunidades de mellora persoal e colectiva.
