Entre os días 26 e 29 de novembro, o alumnado de FPB e do CM APSD participou nos obradoiros organizados por ACADAR, destinados a fomentar a participación do alumnado mediante debates, dinámicas prácticas e materiais audiovisuais. Durante as sesións, abordáronse temáticas como: conceptos básicos sobre xénero e discapacidade, socialización e perspectiva de xénero a teoría da interseccionalidade ou o uso da linguaxe inclusiva e non discriminatoria.
A actividade foi organizada polo Departamento de Orientación e destacou pola implicación e reflexión do alumnado.
