Os días 10, 11 e 17 de xuño de 2026, no IES Lois Peña Novo desenvolvemos varias actividades de orientación relacionadas co alumnado do IES Basanta Silva, co obxectivo de dar a coñecer a nosa oferta formativa e facilitar información útil sobre as distintas opcións de Formación Profesional.
O 10 de xuño realizouse unha sesión de difusión no IES Basanta Silva dirixida ao alumnado de 4º da ESO, centrada nas opcións de Ciclos Medios que se imparten no noso centro.
O 11 de xuño, alumnado candidato a Formación Profesional Básica visitou o IES Lois Peña Novo para coñecer as instalacións, os espazos de traballo e as ensinanzas de FP Básica dispoñibles.
Finalmente, o 17 de xuño, alumnado de 4º da ESO interesado na Formación Profesional visitou tamén o noso centro para achegarse aos ciclos dispoñibles, ás familias profesionais e á dinámica de traballo nas distintas ensinanzas.
Foi un conxunto de actividades pensado para ofrecer información clara, resolver dúbidas e achegar a Formación Profesional ao alumnado da contorna de maneira directa e práctica.
