O pasado 13 de febreiro, o alumnado do CS en Administración e Finanzas participou na xornada do programa ACTÚA, dinamizada por persoal especializado en emprendemento.
Durante o obradoiro “Creatividade para a innovación”, o alumnado tivo a oportunidade de explorar e aplicar técnicas como o Mapa Mental e o SCAMPER, ferramentas clave para identificar oportunidades de negocio e desenvolver solucións creativas para a mellora empresarial.
A sesión, celebrada na biblioteca do centro, destacou pola súa orientación práctica e inspiradora, facilitando ao alumnado recursos para afrontar retos de innovación no ámbito profesional.
