O pasado 5 de xuño, o alumnado dos Ciclos Medios de Instalacións Eléctricas e Automáticas (IEA) e de Electromecánica de Vehículos Automóbiles (EVA) realizou unha visita ao CETIM (Centro Tecnolóxico de Investigación Multisectorial), en Culleredo, dentro do programa EduTecEmprende, promovido polo Departamento de Emprendemento.
Durante a xornada, o noso alumnado tivo a oportunidade de coñecer de primeira man o traballo que se desenvolve nos laboratorios de innovación e emprendemento deste centro tecnolóxico. A visita percorreu as instalacións dos seguintes espazos:
- Laboratorios e planta piloto H20 (tratamento e reutilización da auga).
- Laboratorio de baterías e almacenamento enerxético H10.
- Laboratorio de industria dixital e planta piloto J25.
Esta actividade permitiu achegar ao alumnado ás novas tecnoloxías e á investigación aplicada, amosando as oportunidades profesionais e emprendedoras neste ámbito.
