O 23 de abril de 2026, alumnado de varios ciclos formativos do noso centro participou no congreso FP Innova 2026, celebrado na Cidade da cultura, en Santiago de Compostela.
Durante a xornada, o alumnado coñeceu diferentes proxectos innovadores vinculados coa tecnoloxía, a sustentabilidade e o emprendemento no ámbito da Formación Profesional.
Esta actividade permitiu achegarse a experiencias e iniciativas que amosan o potencial transformador da FP en Galicia, así como coñecer propostas desenvolvidas por centros educativos e profesionais do sector.
O FP Innova, é un evento que se constitúe como referente na difusión da innovación didáctica e tecnolóxica, da transferencia de coñecemento e da capacidade de emprender na que está imnersa a Formación Profesional de Galicia.
