O venres 21 de febreiro de 2025, o alumnado de 1º e 2º curso do Ciclo Medio en Atención a Persoas en Situación de Dependencia (APSD) do noso centro participou na III Semana da Saúde do CIFP Politécnico de Lugo, un evento organizado polo seu Departamento de Sanitaria, no que o IES Lois Peña Novo foi convidado a tomar parte como centro colaborador.
A xornada comezou cunha benvida e almorzo saudable, preparado polo alumnado de 1º APSD do CIFP Politécnico de Lugo, tras o cal realizaron un percorrido pola Feira da Saúde, onde se expuxeron proxectos e iniciativas vinculadas ao ámbito sanitario.
A continuación, o noso alumnado participou nun obradoiro na central de esterilización, especialmente deseñado para reforzar os contidos do módulo de atención hixiénica.
Como peche da xornada, asistiron á Gala da Saúde, na que o alumnado do CIFP presentou diferentes traballos e investigacións, destacando:
📌 Lectura dun manifesto sobre saúde e benestar.
📌 Ponencia sobre un fármaco en investigación para enfermidades neurodexenerativas.
📌 Charlas divulgativas sobre párkinson e diabetes.
📌 Actuación musical de Devandaina.
